Elenora Cockatoo (Kókó), Vefverslun Furðufugla og fylgifiska

550.000kr

Elenora Cockatoo (Kókó)

Elenora Cockatoo (Kókó)

Elenora kakadúinn (Cacatua galerita elenora) er fallegur hvítur fugl með sítrónugulan kamb, eins og Kíkí í Ævintýrabókum Enidar Blyton. Þetta er fluggreindur páfagaukur með heilmikla talgetu og auðvelt er að kenna honum kúnstir. Þetta er fugl sem heldur tryggð við "fjölskylduna" sína. Hann hefur mikla leikþörf og nagþörf. Nokkuð hljóður en getur gefið frá sér skræki á vissum tímum dagsins. Þarf nóg til að dunda sig við ss. leikföng og nagdót. Og þarf mikla ást og alúð. Rykar töluvert og þarf góða næringu þ.e. gott úrval fræja, pálmahnetur, eggjafóður og auðvitað grænmeti og ávexti. Nánari upplýsingar: http://www.tjorvar.is/html/elenora_cockatoo.html

Hann Kókó er 12 ára gamall kyngreindur og handmataður karlfugl, fluttur inn frá Bretlandi. Hann er mjög líflegur og skemmtilegur fugl sem elskar að láta klóra sig á höfði og undir vængjum. Hann er mest hrifinn af karlmönnum, en yfirleitt konum líka. Hann virðist ekki hrifinn af sumum krökkum, einkum ljóshærðum stelpum. Hann kann að tala þó nokkuð og er mjög leikglaður. Honum fylgir grátt Haiti búr frá Montana Cages (sjá mynd að ofan. Kókó er til sölu vegna breyttra búsetuaðstæðna eiganda. Hann er sá eini sinnar tegundar á landinu. Borðar Harrisons þurrfóður og elskar hnetur.
Stærð: 44 cm.
Lífaldur: 70-100 ár.
Verð: 550.000 kr ásamt búri, standi, ferðatösku og fullt af leikdóti. - VISA raðgreiðslur í boði til allt að 36 mánaða.

Umfjallanir
Framleiðendur
Leita
 
Sláðu inn leitarorð
Ítarlegri leit
0 hlutir